Job 22

1मग अलीफज तेमानीने उत्तर दिले व तो म्हणाला,

2“देवासाठी मनुष्य उपयुक्त होऊ शकेल काय?
ज्ञानी मनुष्य देवाला उपयोगी होऊ शकतो काय?
3तुमच्या धार्मिक जगण्याने सर्वसमर्थाला काही आनंद होतो काय?
तू चांगला राहीलास तर त्याला काही लाभ होईल काय?

4तो तुझा भक्तीभाव पाहून तुझा निषेध करतो

आणि तुला न्यायाकडे नेतो का?
5तुझे पाप मोठे नाही काय?
तुझ्या दुष्टाईला अंत नाही ना?

6तू विनाकारण आपल्या भावाचे गहाण अडकवून ठेवले,

उघड्यांची वस्त्रे तू हिरावून घेतली.
7तू थकलेल्यास पाणी दिले नाही
आणि भुकेल्या लोकांना अन्न दिले नाही.
8जरी तू, शक्तीमान मनुष्य असशील, सर्व भुमी तुझी असेल,
जरी तू एक सन्मानीत मनुष्य असशील.

9तू विधवांना काहीही न देता घालवून दिले असशील,

पोरक्याचे बाहू मोडले असशील.
10म्हणूनच तुझ्या भोवती सापळे आहेत
आणि अचानक आलेल्या संकटानी तू घाबरुन जात आहेस.
11म्हणूनच सर्वत्र इतका अंधार आहे की तुला काही दिसत नाही
आणि तू पुराच्या पाण्याने चोहोबाजूंनी वेढला आहेस.

12देव उंच स्वर्गात नाही काय?

तारे किती उंचावर आहेत ते बघ, ते कीती उंच आहेत.
13आणि तू म्हणतो देवाला काय माहीती आहे?
दाट अंधाराच्या आडून तो कसा न्याय करतो.
14दाट ढग त्याला झाकत आहेत,
म्हणजे त्याने आपल्याला बघू नये.

15तू जूनाच मार्ग धरणार आहेस काय,

ज्यावर दुष्टजण चालले.
16त्यांचा समय येण्यापूर्वीच त्यांचा नाश करण्यात आला,
त्यांचा पाया नदीसारखा वाहून गेला.
17जे देवाला म्हटले, ‘आमच्या पासून निघुन जा
तो सर्वशक्तीमान देव आम्हाला काय करु शकतो?’

18आणि त्यानेच त्यांची घरे चांगल्या वस्तूंनी भरली होती.

परंतू दुष्टाची योजना माझ्यापासुन दुर आहे.
19धार्मिक त्यांचा नाश पाहून संतोष पावतील.
निर्दोष त्यांचा उपहास करतात.
20आणि म्हणतात खरोखरच आमच्या विरूद्ध जे उठले त्यांचा नाश झाला आहे.
त्यांची संपत्ती आगीत नष्ट होत आहे.

21तू आता देवाला शरण जा. त्याच्याशी सलोखा कर.

तू हे केलेस तर तुला खूप चांगल्या गोष्टी मिळतील.
22मी तुला विनंती करतो त्याच्या तोंडच्या सुचनांचा स्विकार कर.
त्याचे शब्द आपल्या हृदयात ठेव.

23तू सर्वशक्तीमान देवाकडे परत येशील, तर तुझी बांधणी होईल.

जर तू अधार्मीकता आपल्या तंबूपासून दुर ठेवशील.
24तुझ्याजवळ असलेल्या संपत्तीला मातीमोल मानशील,
तू तुझ्या सर्वात चांगल्या ओफीरच्या सोन्याला दरीतल्या दगडाएवढी किंमत देशील.
25म्हणजे सर्वशक्तीमान देवच तुझे धन असा होईल
आणि तो तुला मोलवान रूपे असा होईल.

26तेव्हा तू सर्वशक्तीमानच्या ठायी आनंद पावशील,

तू तुझे मुख देवाकडे वर करशील.
27तू त्याची प्रार्थना करशील आणि तो तुझे ऐकेल
आणि तू आपले नवस फेडशील.
28जी गोष्ट तू मनात आणशील तेव्हा ती सिध्दीस जाईल. प्रकाश तुझ्या मार्गात चमकेल.

29देव गर्वीष्ठांना नम्र करील,

आणि तो नम्र लोंकाची सुटका करील.
जो निर्दोष नाही त्यालाही तो वाचवतो, तुझ्या हाताच्या निर्मळतेमुळे ते बचावले जातील.”
30